શ્રી સમ્યગ્દર્શન પદ (વર્ણ : શ્વેત (સફેદ) | ગુણ : 67)

શ્રી સમ્યગ્દર્શન પદ એટલે શું?
જૈન દર્શન પ્રમાણે સમ્યગ્દર્શન એટલે સાચા દેવ, સાચા ગુરુ અને સાચા ધર્મ પ્રત્યેની યથાર્થ શ્રદ્ધા...
તીર્થંકર પરમાત્માએ પ્રરૂપેલા તત્ત્વો પર સાચી શ્રદ્ધા રાખવી, જિનવાણીમાં વિશ્વાસ રાખવો અને આત્મકલ્યાણના માર્ગને સ્વીકારવો એટલે સમ્યગ્દર્શન...

સરળ શબ્દોમાં કહીએ તો :
* દર્શન એટલે શ્રદ્ધા અને સાચી દૃષ્ટિ.
* જૈન ધર્મનાં તત્ત્વો પ્રત્યે અડગ શ્રદ્ધા રાખવી.
* આત્મા, કર્મ, પુણ્ય, પાપ, સંસાર અને મોક્ષના સ્વરૂપને સાચી રીતે સમજવાની દિશામાં આગળ વધવું.
* દેવ, ગુરુ અને ધર્મ પ્રત્યે નિર્મળ ભાવ રાખવો.
સમ્યગ્દર્શન એ મોક્ષમાર્ગનાં ત્રણ રત્નોમાંનું પ્રથમ રત્ન છે. બીજાં બે રત્નો સમ્યગ્જ્ઞાન અને સમ્યક્ચારિત્ર છે...

સમ્યગ્દર્શનનું મહત્ત્વ
સમ્યગ્દર્શન આત્માની આધ્યાત્મિક પ્રગતિનો પાયો છે. સાચી શ્રદ્ધા જાગે ત્યારે જીવ ધર્મને માત્ર જાણવાનો કે સાંભળવાનો વિષય માનતો નથી, પરંતુ જીવનમાં ઉતારવા પ્રેરાય છે.
* જિનવાણી પ્રત્યે શ્રદ્ધા દૃઢ બને છે.
* રાગ, દ્વેષ અને મિથ્યાત્વ ઘટાડવાની ભાવના જાગે છે.
* આત્માના હિત અને અહિતનો વિચાર કરવાની સમજ વિકસે છે.
* સમ્યગ્જ્ઞાન મેળવવા અને સમ્યક્ચારિત્ર પાળવા માટે પ્રેરણા મળે છે.
* મોક્ષમાર્ગ પ્રત્યે રુચિ અને આત્મકલ્યાણની ભાવના વધે છે.

ભાવ આરાધના
આ દિવસે માત્ર પૂજા કે જાપ જ નહીં, પરંતુ અંતરમાં સાચી શ્રદ્ધા અને તત્ત્વરુચિ પ્રગટાવવાનો ભાવ રાખવો.
“હે પરમાત્મા! મારા અંતરમાં સમ્યગ્દર્શન પ્રગટે, જિનવાણી પ્રત્યે અડગ શ્રદ્ધા રહે, મિથ્યાત્વનો ક્ષય થાય અને હું સાચા ધર્મમાર્ગે આગળ વધું.”

♦️ નવપદ special children story books ♦️ (પ્રભાવના આપવા માટે best option)

જિનશાસનના મહાપુરુષોના પ્રેરણાત્મક જીવન ચરિત્રની 
 Multi colour pictorial story books 
જેમાં અન્ય પ્રેરણાઓની સાથે આપને આયંબિલનો મહિમા જાણવા અને કરવાની પણ પ્રેરણા મળશે

જે આપના બાળકોના જીવનમાં અદભૂત સંસ્કારનું સિંચન કરશે....

ઓર્ડર કરવા just call 9586123446 or click below 

https://jainonline.org/buyonline.asp?category=Book&subcategory=Children%20Stories